Nor da euskalduna?

Nor da euskalduna?

Notapor 45 el Lun Sep 04, 2006 1:55 pm

Ondorengoa Jose Mari Pastorren artikuloa duzue:

Euskaradun. Ez da Euskalduna euskararik ez duena, nahiz eta arraza garbikoa izan». Azkueren hiztegian ageri den definizioa argi-argia da, eta ez du zalantzarik uzten: euskalduna euskaraz dakiena da, euskaraduna. Beste inor ez.

«Asko dira Euskal-errian jaioak, baina gitxi euskaldunak», idatzi zuen, halaber, Artatxorik Euskalzale aldizkarian. 1898. urtea zen eta ordurako argi zegoen euskaldunak, orokorrean, «gutxi» zirela Euskal Herrian, baina inork ez zuen zalantzan jartzen euskaldun hitzaren esanahia. Denek argi zuten hori, antza.

Orain, aldiz, ez. Euskaldun hitzaren bestelako erabilera hedatu da azkenaldian, gehienetan erdararen eraginez. Erabilera nahasia, okerra? Vascos edo basques direnei orokorrean euskaldunak deitzen bazaie ere, herritar horiek banaka hartu eta besterik gabe euskaldun deitzean sortzen da nahasmena. Euskarazko hedabide batek «Palentziako tren istripuan lau euskaldun zauritu dira» azaltzen duenean, esate baterako, zer adierazten ari da? Irakurle, entzule edo ikusle euskaldun askok, instintiboki, zaurituek euskaraz egiten dutela ulertzen dute. Hori horrela ote den beste kontu bat da baina. Euskaldunak ziren Espainian lehengoan izandako tren istripuan zauritu ziren euskal herritar guztiak?

Euskalduna? Euskal herritarra? Zer, noiz erabili? Hutsunea hor dago eta horrek nahasmena sortzen du euskarazko hedabideetan ere. ETBko euskara arduradun Asier Larrinagak adierazi duenez, euskarazko telebista publikoan ez dago arau zehatzik euskaldun edo euskal herritarra hitzak erabiltzeko. «Euskaldunon Egunkaria-ren estilo liburuan bazegoen gauza bakoitza zer den. Horren antzekorik ez dago ETBn». Hori dela-eta, ez dago irizpide finkorik; kazetariaren arabera jokatzen da. «Arazoa saihesteko modu bat aurretik euskal hitza jartzea da. Baina pertsonak direnean euskaldunak esaten da, eta orduan hor nahasmena sor daiteke. Hutsune bat dago eta bakoitzak ahal duen moduan egiten du».

Jose Luis Aizpuru Euskal Irratietako programazio arduradunak ere irizpide eza nabarmendu du. Lapurdiko, Nafarroa Behereko eta Zuberoako hedabide horietan ez da bereizketarik egiten. «Ez dugu irizpide argirik; ez dago arau bat hori zehazteko. Euskaldun hitza, gainera, nola erabiltzen den ikusi behar da. Nik esango nuke Ipar Euskal Herrian istripu bat gertatzen bada, guk ez dugula esaten 'bi euskaldun hil dira', 'bi donibandar edo bi baionar hil dira' baizik. Euskal herritarra hitza ez da erabiltzen».

Gainera, fenomeno berri bat sortu da. Euskalduna ez da derrigor ezagutza linguistikoari lotuta agertzen, Aizpuruk esan duenez: «Bereizketa hori ez dut uste egiten denik. Gainera, euskaraz ez jakiteagatik euskaldunak ez direla esanez gero, batzuk haserretu egiten dira: 'ni zu bezain euskalduna naiz, euskaraz jakin ez arren', esaten dizute». Jende horien artean pertenentziaren sentimendua askoz indartsuagoa da hizkuntzarena baino, gehienetan euskara galdu dutelako: «Amatxi edo aitatxi hemengoak izateak garrantzi handiagoa dauka euskaraz jakiteak baino».

Euskalerria Irratian ere ez dago irizpide arauturik, ez zentzu zorrotzean behintzat. Horixe azaldu du irratiko zuzendari Mikel Bujandak: «Ez dugu arau konkreturik jarri. Nik uste dut BERRIA izaten dela halako gauzetan orientatzen gaituena. Badago euskal herritarra esateko joera bat, horrek geografia bat adierazten duelakoan. Euskaldun hitza kontzeptu linguistikorako bezala izango litzateke, baina gutxi gorabeherakoa da hori, ez da arau finko bat». Horretan idatzizko hedabideen arauek eragin handia dutela adierazi du Iruñeako irratiaren arduradunak, «iraupen gehixeago» baitute.


ERDARAREN TRANSPOSIZIOA. Andres Urrutia euskaltzainburuak zalantzak ditu euskaldun hitzaren erabilera egokia ote den: «Gaur erdararen transposizioaren bidez erabiltzen da euskaldun hitza, baina ez dakit oso egokia den, euskararen ikuspegitik behintzat. Erdararen eraginez vascos euskaldunak esaten denean beharbada ez da oso zuzena». Haren ustez, hitza bera «modu desberdinetara» erabiltzen da. «Euskalduna eta Euskal Herria hitzak errealitate kultural eta linguistikoa dira euskaldunontzat. Ondarroan 40 urtetik gorako bati galdetzen badiozu baten bat euskalduna den 'euskalduna da' edo 'euskaraz ez daki' esango dizu, baina beti lotuko du hizkuntzarekin. Kontua da gaur beste errealitate batzuk badirela: juridikoa, politikoa eta administratiboa. Eta orduan erdaraz erabiltzen den moduan transposizioa egiten da, eta hitza bera hartzen da».

Urrutiaren ustez, Euskaldun hitzari buruz Euskaltzaindiak ez du ezer erabaki, eta ez du auzi horri buruzko kontsulta edo kexarik jaso. «Euskaltzaindiak horren inguruan sekula santan ez du halako erabakirik hartu, eta beharbada iritzi desberdinak izango dira. Nik esango nuke kontsultarik ere ez dugula izan, Jagoneten bidez ere ez».

Herritar soilak, banaka edo taldeka baina ez komunitate moduan, euskaldun barik euskal herritarra izendatzea egokia izan daiteke, baina hor ere mugak egon daitezke: «Euskal herritarrak izan daitezke, baina badakizu: Euskal Herriak, berez, mundu administratiboan ez du izaterik. Orduan euskal herritarrak prentsan erabiltzea, bai, irtenbide bat izan daiteke. Hala eta guztiz ere, nik esango nuke hori gaur egunean behintzat ez dagoela zehaztuta», azaldu du Urrutiak.

Beñat Oihartzabal euskaltzainburuordea Ipar Euskal Herrian sortu den nahasmenaz mintzatu da. «Belaunaldi berrien kontu hori egia da. Gertatzen da normalki herri guztietan nortasun etnikoa edo nazionala defenditzen dela, bai maila indibidualean bai anitzetan, familia edo leinuaren mailan. Orduan euskara galtzearekin euskaldun ez izatean, zaila zaie Euskal Herriarekin loturarik ez dutela esatea». Hori gogoari lotua dela nabarmendu du Oihartzabalek. «Nik kontrakoak entzun ditut gaztetan. 'Aita bai, baina ni ez naiz euskalduna, euskaraz ez dakit', esaten zuten batzuek. Horiek, askok, ez zuten euskaldun izan nahi. Orain kontrakoa baduzu. 'Ni euskalduna naiz'. Euskaldun izan nahi dute. Ba, ikasi!».
45
 
Mensajes: 111
Registrado: Mié Sep 17, 2008 9:21 am

Iruzkinik??

Notapor 45 el Mié Sep 13, 2006 10:47 pm

Beno, ze, inork ez al du erantzungo?? Zer deritzozue? Zeintzuk dira euskaldunak?? Nire ustez euskaraz jakiteaz gain, ahal dutenean erabiltzen dutenak. Horiexek dira euskaldunak.
45
 
Mensajes: 111
Registrado: Mié Sep 17, 2008 9:21 am

Ba...

Notapor Gizakume Bizikide el Vie Sep 15, 2006 1:50 am

...iñor ez egotearik ezean, ni neuk erantzungo zaitsut.
Ados nago zurekin, euskaraz jakiteaz gain, ahal dutenean erabiltzen dutenak euskaldunak direla.
Baita ere eta naiz eta atzerrian bizi izan arren edo edozein ideologi politiko zehatz baten gaiñetik euskera bihotzean daramagunok.
Inguru bat euskeraz eraikiteak bizitzeko garrantzi izugarria duela uste dut. Nik, adibidez, Estatu Batuetan jaitoako nire semetxoari eta nire ilobeei euskeraz erakusten ditut. Batez ere gure altzorrik nagusiena oinordetzeko era bakarra delako, eta gainera gure hizkuntza galtzeko prest ez nagolako.
Gure hizkuntzak ez ditu hainbeste gorabeherak jasatu, eta guk ez bait dugu ahal izan ditugun entseguak egin hura berpizteko, naiz eta beste eskualdean bizi arren ez horrela galtzeko.
Behar bada nik orindio egunen baten EH-ra behin eta betirako itzultzeko itxaropenak bait ditut.
Beno 45 txo, opatzen dut nire erresponda gustokoa izatea.

Nahi dozunerarte.

Aio!
Dictos hiberos ab illo flumine quod inquietos Vascones praelabitur
Avatar de Usuario
Gizakume Bizikide
 
Mensajes: 3536
Registrado: Mié Sep 17, 2008 9:20 am
Ubicación: Euskal-herria 8.garren Herrialdea

Giza euskaldun zintzoa

Notapor 45 el Vie Sep 15, 2006 1:04 pm

Jakin banekien zure bihotza euskararen aldean zegoela.
Nik ere ezagutzen ditut euskaldun amerikano batzuk zeintzuek euskaraz erakuskusten dieten haien seme alabei. Oso pozgarria eta era berean aberasgarria iruditzen zait.
Alta, zure jarrera eta hemengo askok dutena (ardura eza) kontrastean jarri eta etsigarria suertatzen da. Latza da, eta ez da bakarrik hemengo espainolen artean gertatzen baizik eta abertzale batzuen artean ere (are okerrago).
Zuk esaten duzun eran euskara ideologi guztien gainetik egon behar du.
45
 
Mensajes: 111
Registrado: Mié Sep 17, 2008 9:21 am

iruzkinik?? ...

Notapor atxixta el Jue Sep 21, 2006 9:59 am

Ez dut uste
atxixta
 

agurterdi berrogeitabost

Notapor idazle2005 el Jue Oct 05, 2006 4:24 am

Lehenengoz zoriondu, zure ain ondo mamitutako artikuluagatik ados guztiz zurekin, ez dago aurka egiterik , zure arrazoitzeari ez diot akatsik aurkitzen "estricto sensu", bainan denborak aldatzen ari dira, gure Euskaldun Herria ere. Gaur biotzezko euskotar askok ez dakite euskeraz, bainan "vasco" sentitzen dira itzuliera behar bada euskotar litzateke, ez bait dute euskerarik, eta vasco edo navarroren itzulpena garai batean euskaldun zen, euskalduna ez den bertokoari, erdaldun ez otsegiteko esfortzua askotan ikusi dut, kanpotar edo ezezagunaren gandik bereizteko.
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

euskaldunak gutxiengo

Notapor idazle2005 el Jue Oct 05, 2006 4:39 am

Ala gara geure herrian, aldiz euskotar-euskaldun sentitzen den jendea geiengo da gure artean, geiengo hau ari da, haurrak ikastoletara bidaltzen administrazioa euskalduntzen, euskal kultura indartzen, eta esaiezu ba euskaldun euskaldun esaten dena ez zarete. Arazoa konplexua da, kanpoan ibili naiz orregatik nere ixiltasuna, euskal diaspora apur bar ere topatu dut, ango eta amengo sentitzen dira, euskotar, bainan betiko hitza euskaldun da.
kasu bat jarri nahi nizuke, kaso ugaria egungo euskal herrian, guraso erdaldunak(bere burua euskalduntzat duenak), inguru erdaldunean semea ikastolara bidaltzen du. Lortzen du ba urteekin euskeraz dakien ondorengoa, bainan honi ez zaio asuntoa interesatzen ez da euskalzalea, eta urte batzuren buruan ahaztu egingo du. Euskalduna semea da ta naiko artifiziala, bainan euskal nortasuna, euskal sentimendua, bihotza aitak du. Hizkuntz hiztun baino situaziokonplikatuago batetara goaz, bertan gaude egun.

urrengorarte
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

idazle

Notapor 45 el Jue Oct 05, 2006 4:48 pm

Kaixo idazle.

Lehenik eta behin: Artikulua ez da nik idatzitakoa, J. Pastorrek Berria-n argitaratutakoa baizik. Arras interesgarria iruditu zitzaidanez hemen posteatzea erabaki nuen.

Vasco euskotarraren sinonimoa delako iritzia dut eta euskalduna soilik euskaraduna. Arestian, politikako foroan eztabaida bat izan nuen euskotar kontzeptuari buruzkoa. Honako hau irizten nion:
Euskotarra da:
1) Nork euskara komunikazio tresna nagusitzat duen (egoitza edo sorlekua non daukan inporta barik)
2) Euskara ezagutu eta hitzegiten duenak.
3) EHn jaiotakoa nork euskal naziora atxikitzen dena.
4) Euskal Erkidego Autonomoan jaiotako edonor.

Zer iruditzen? Euskotar kontzeptu zabala eta integratzailea deskribatzen saiatu nintzen, uste dut zuk aipatutako inor ez dela kanpoan geratzen.

Azken lerroetan idazten duzunarekin guztiz ados, ni gaztea naizenez horrelako kasu franko ezagutzen ditut eta pena da, zinez. Beti existitu egin dira norberaren hizkuntza eta kultura arbuiatzen dituzten euskaldunak, beharbada lehen orain baino gehiago, hortaz ez dut uste kezkatzekorik dugunik gaur egun. Inoiz baino estimu handiagoan dugu euskara. Hala ere, ahulak garenez: Beti zelatan!

Goraintziak, ez adiorik!

45
 
Mensajes: 111
Registrado: Mié Sep 17, 2008 9:21 am

alperkeria

Notapor idazle2005 el Jue Oct 05, 2006 8:20 pm

Alperra, hori da hitz ofentsiboa eta egia borobila esaten duena, euskaldun/euskotar banaketaren berri badute bigarrengoek, eta min ematen die lehenengo taldean nahi dute. Bainan horretarako hizkuntza ikasi egin behar da, eta hori aldapa gora egiten zaie, nik jende asko entzun nuen umetan eta geroago ere."Ez zitzaidake ajolako jakitea","niri gustatuko litzaidake", "guri etziguten irakatsi", "gure denboran ezin zen".
Eta behin egoera arraro batetan ustezko abertzale batek esan zidan beraiek behin familian, saiatu zirela euskeraz beraien artean egiten, eta hori ezinezkoa zela, eske ezin da ta. Gaur parregura ematen dit orduan amorrarazi egin ninduen, denborarekin susmo txarra artu nion eta pikutara bidali nuen.
Nahai dezun arte
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

euskotarrak

Notapor 45 el Vie Oct 06, 2006 4:38 pm

Nik ez dut ulertzen euskarari uko egiten dion abertzaletasuna. "Yo sólo soy vasco" esango dute behin eta berriz gaztelania hutsean euskararekiko interes urrik azaltzen ez duten bitartean. Jarrera hura ez zait batere interesatzen. Herri honen borrokara gehitzen badira ongi etorriak izan daitezela bainan nahiago nuke herriaren alde baino hizkuntzaren alde egingo balute. Aberria konkretatu behar da eta benetan esaten dizut, euskara da euskaldunon aberria. Behialatik gaur egundaino. Inork ezingo du hori uka. Historia, eskubideak, lurraldeak... ukatu dizkigute baina sekulan ez hizkuntza, gure ahotan eta bizitzetan irauten duelako.

Aipatu abertzale hark ez zuen euskara askorik jakingo familian komunikatzeko gai ez bazen. Ez du horrenbeste misteriorik. Nire koadrilan nahiz eta guztiok B ereduan ikasi dugun, gehienen euskara maila ez dio gaztelaniari konpetentzia egiten eta horri gehitzen badiogu ardura eza, ba imajinatu...
45
 
Mensajes: 111
Registrado: Mié Sep 17, 2008 9:21 am

hizkuntz aberria

Notapor idazle2005 el Mar Oct 10, 2006 2:08 am

Benetan ideia horretatik, izanda neure pentsakera aspaldian, demokrazian eta erosotasunean eta gure eskubide garapenean ondo gaudelako. Bainan ni hemen bizi nahizenetik abertzaletzen hari nahiz, UPN ko politikak, gorrotoaren politikak arrakasta izan du nirekin, amorrazitzea lortu dute bainan ez euslkaldunengan, neu hala naizelako baizik, gaizki izendatutako nafartasun faltsu hauen alderdiak, UPN-CDN, eta Chivite-Redondo hauek ere, beren ideologia bakarra euskaldunon ganako gorrotoa bait da.
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

Abertzale izatea

Notapor idazle2005 el Mar Oct 10, 2006 2:18 am

Hori erraza da, bainan bertako izateak esfortzu batzuk inplikatzen ditu, hori da arrazoia Euskal Erkidegoan, abertzale politikoen geihengoa eduki harren (euskal abertzaleak), euskaldunak aldiz gutxiengo gara, bainan euskalduntzat dauka bere burua %94 itxura denez, 2004.urteko inkesta. Niretzat euskaldun izatea sentimendu bat da, eta uste dut gehiagorentzat ere, egiten gaituena hizkuntza izan harren gehiengoak bere ez du sentitzen nahiz eta jende anitzek haurrak bada ere euskaldundu nahi izan. Hizkuntzaren etsai handiak, erderaz ez zakitenak desagertzen hari direla, eta danok dakigunez bigarren hizkuntza bat "lingua franca" bat zerterako molestatu.
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

idazle

Notapor 45 el Mar Oct 10, 2006 11:29 am

Nik uste nuen CDN alderdia pittin bat euskaltzalea zela baina UPNri babesa ematen dion neurrian ideia hori burutik ezabatzen joan zait. Alli txapelduna ez zen antieuskalduna ezta? Ez dut ondo ezagutzen alderdi honen ibilbidea baina konpainia horiek ez ote duten radikalizatu susmoa dut.

Zuk erdaldunen molestiak aipatzen dituzu. Nik uler nezake traba edo eragozpen hori adin bateko pertsonengan, baina gazteengan? Ez du barkamenik. Eta errua ez da haiena, hizkuntz ereduena baizik. Aski frogatua dago A eta B ereduek ez dutela euskalduntzea bermatzen. Eredu guztiek ziurtarazten dute, ordea, gaztelaniazatzea (gizarte dinamikek batez ere). Hortaz, noizko eredu bakarra Euskal Herri osoan (badakit egoera politikoa dagoen bezala dagoela ameskeriatik hurbil nagoela)?? Jakintza oztopatu nahi al dugu? Argi dago batzuk baietz, ororen gainetik euskara ez dadila haien umeen burmuinetan sar, vade retro hizkuntz terrorista eta maltzur horri. Horrelakoak ditugu herri honetako KATETOAK.
45
 
Mensajes: 111
Registrado: Mié Sep 17, 2008 9:21 am

Gizarte dinamikak

Notapor idazle2005 el Mar Oct 10, 2006 8:49 pm

Bai arrazoi duzu gaztelera jakintzearen, garantia gizarte dinamikak ziurtarazten duela. Bainan azken hogei mendeetan gure euskal herrian egin diren esfortzu kulturalen %99,999 ez-euskaldun hizkuntzetan egin da era guztietara egin da, eta euskal normalizazioaren "biktima" faltsu hauen aldean arau eta sistima gogorragoekin. Hala ere latinak euskera aberastu egin zuen eta desagertutako lekuan bien artean hizkuntz berri bat sortu.
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

Alli eta Euskera

Notapor idazle2005 el Mié Oct 11, 2006 1:13 am

Juan Cruz Alli, iruñarra,nafarra, navarrista, eskuindarra, katolikoa, vasquista eta erdalduna da. Hau da antieuskalduna ez den karlista nafarra. Gaztetan Iruñako "Muthiko Alaiak" peñako sozio izana urteetan, etxan beti Gernikako Arbola eta horrelako abesti asko kantatzen omen zuten euskeraz. Bainan anti euskal abertzaleak.
Karlismo barruan ideologikoki ondo egindako jendea, eta kuadro medio mailakoa gainera estudio duena, bazekien ba politikan noraino irits zitekeen betikoekin...
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

Alli eta euskera II

Notapor idazle2005 el Mié Oct 11, 2006 1:23 am

1976. urtean karlismoaren gehiengoak demokrazia onartu eta sistema demokratikoan integratzea erabaki zuen, karlismoaren benetako izatea antidemokrazia izan harren¿? horrela suizidatu zen ideologia hau.
Bainan haur asko jaioko ziren hortik.
1-Sixtozaleak(eskuin mutur franquista)
2-Karlozortzigarrenak(erabateko monarkia)
3-UPN(eskuin foralista)
4-AP klase askotako eskuina
5-zentru espainiarra
6-Sozialista autogestionarioak (Alderdi komunistakin koalizioan)
7-EKA(euskadiko alderdi karlixta)
8-Herri Batasuna (ezker abertzalea)

APek eta UPNek auteskundeetan eta abar UCD jan zuten, eskuintzen eta anti euskalduntzen joan ziren. Eta bi kazikeak Jesús Aizpún eta Jaime Ignacio del Burgok bat egiten bukatuko zuten.
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

Alli ta eusk...III

Notapor idazle2005 el Mié Oct 11, 2006 1:34 am

...eskuin gogor bilakatu arte eta bi alderdiak fusionatu egin ziren, zentrua bazegoen barnean eta vasquistak ere bai. Hauek organizatu egin ziren eta berauen buru nafarroako lehendakaria bilakatu zen, Alli hain zuzen.
Alderdia inposatu zen, gobrnuren aurkako guduan eta zentristak eta navarro-vasquista, beste alderdi bat sortu zuten CDN.
Bainan Allik izugarrizko disparateak egin zituen,
1- Zentrua, Euskal Herriarekin nahastu zuen, eta Nafarroa Euskal erkidegoarekin.
2-Vasquismo-Navarroa berriz euskal abertzaletasunarekin.
Ez ziren euskal abertzale ez eta euskalzale ere, bainan izango bailiran bezala konportatu ziren.
Hauteskundeak etorri ziren eta, berriro ere Alli lehendakari bilakatu zen, koalizioan hain zuzen CDN-EA-PSN-IU.
Sanz eta Del Burgok meatxatu egin zuten, euskaldunak gobernutik kanporatzeko, bestela gobernua kenduko zietela eta...
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

Alli eta IV

Notapor idazle2005 el Mié Oct 11, 2006 1:43 am

Suitzan Otano legebiltzarreko lehendakariaren izenean PSNren kontu korronte sekretu bat agertu zen. Eta txorrada orregatik nafar gobernua urperatu zen, hauteskunde berriak etorri ziren eta zentro-eskuin guztia Sanz-Delburgo alderdira joan zen, CDN alderdiak bi diputatu eta zinegotzi bakar batzuek salbatuz, bat Alliren postua izanik, gehiengo sinplea dute, uste dut eta PSNko mesetarioek laguntzen diete euskal gaietan batizbat, denak berdin jarraitzeko. PSNek eta CDNek ikasgaia ondo ikasi dute, hemen finkako jabea eskuin-antieuskalduna da ta agintean jarraitu nahi badugu , hori garbi eduki behar dugu hauen baimenerekin bakarrik aginduko dugu.
agurrak nafarroatik
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

Nafar laberintua

Notapor idazle2005 el Mié Oct 11, 2006 1:53 am

Nafarrak, nafartzat dute bere burua gauza guztien gainetik, hasi Elizondo eta Ablitaseraino, horrek batzen ditu eta Osasuna futbol taldeak. Euskotarrak dira, bainan bere erara, sarritan era hori anti euskaldun izanda erakusten dute, bainan gai hau atera gabe anti euskaldun tasun hau gutxitu egiten zaie. Politikoki danak dira Navarrista, bainan bi taldetan banatzen dira anti euskaldunak eta euskaldunak. Ezkertiarrak eta eskuindarrak, horrela hiru edo lau alderdirentzako dago lekua; Eskuin euskalduna, Eskuin anti euskalduna, eta ezker euskalduna eta ezker ez euskaldunarentzat.
Galizan gertatu izan den bezala.
agurrak 45 eta besteei ere
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

ok

Notapor 45 el Mié Oct 11, 2006 3:06 pm

Mila esker azalpenangatik eta gora Nafarroa askatuta! bai 3 miloi biztanle dituena azken datuen arabera.
45
 
Mensajes: 111
Registrado: Mié Sep 17, 2008 9:21 am

zuzenketa

Notapor idazle2005 el Jue Oct 12, 2006 1:58 am

Espainiako bazter guzietan bertakoak agintzen dute. Eta beren bertako sustraietaz arro dira, eta bertako kultura guztia indartzen saiatzen dira. Kanariarrak guanche sentitzen dira, andaluziarrak, flamenco eta arabe jatorrizko, beren jatorri nagusiaz, asko hitzegin gabe, gaztelarrak bait dira batipat ( Castilla la Novissima), Catalunyan ere denak dira bertokoak, etorkinak kenduta, hauek ere etorkin zaharrak badira berrin alboan bertako sentitzen dira. Salbuespen tristea Euskal Herrian dugu. Nafarroan hiru indar ikusten ditut etorkizunari begira, Eskuin antieuskalduna, Ezker ez euskalduna, batzuetan anti ere aho txikiakin noski eta Eusko Alderdi Nafarra.
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

zuzenk II

Notapor idazle2005 el Jue Oct 12, 2006 2:09 am

...Euskal Erkidegoan berriz etorkizuna ikusten dut eskuin anti euskaldun-ez euskaldun, keinu batzuk hauteskund..., Ezker ez euskalduna, taeteka vasquista eta tarteka anti ere, eta Eusko Alderdi Euskalduna. Iparraldean berriz eskuina eta ezkubia, biak anti euskaldunak, eta beharbada euskal partidu txiki bat %10 edo pixkabat gehiagorentzat. Konklusioa ; Euskal Herria , abertzaleteriaren esku berriro ere, beste opzioa itxuraz geure teilatuari harrika egitea, dirudi etaIZAN ERE.
Hau da panorama ezkerra ta ezkubiaren ordez, geur familia defendatu behar. Atzeratuta gaude, bainan ez dudatu guk ez dugu aldatu behar baizik eta besteek. Gu erdaldundu gara eta kanpoko aberriak ere geuretu ditugu, noiz euskaldunduko dira hemengo ezker eta ezkubia, zergaitik dira kanpotarrak bertoko jendea dutelarik?
Guk geureari eutsi arrazoia gurekin da, kolonizazioak bukatu egin behar du. Ezin genezake frantses edo espainiar izateko geureari uko egin beharrean aurkitzea.
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

Erantzuna zure eskertzari

Notapor idazle2005 el Jue Oct 12, 2006 2:17 am

Hiru milloi atzean geratu zela uste dut etorkin olatu batetan gara eta.
Bai eta ondo izendatzen duzu Sabinoren aberria, Nafarra izan bazen dena errazago izango bait zen. Ikurriña ere asmatu beharrik ez, eta hainbat eta hainbat gauza sortu beharrik ere ez. Batuaren ordez Gipuzkera-Nafarrera hizkuntz osotu akademiko bat izango genuen... e.a bainan ez da hala izan, eta gauzak diren bezela dira.
Politikoki eta administratiboki gu banatzea lortu dute, denbora luzerako? ez jakin, bainan kulturalki eutsitzen badiogu, izango da " agur agur biarko Euskadi, lara lara laralara la".
idazle2005
Bronce
Bronce
 
Mensajes: 58
Registrado: Mié Sep 17, 2008 9:21 am

¿Quién está conectado?

Usuarios navegando por este Foro: No hay usuarios registrados visitando el Foro y 1 invitado

cron