2024_ACT

[xaguzar]

Eup!

6. jardunaldia, Sestaoko bandera jokoan dagoela.

Aitzinetik jun bedi ez ditudala atsegin eremu horretan egiten diren estropadak kaleen arteko adeak handiak izaten baitira. Baiña aldi berean erran genezake gaurkoa hagitz interesgarria suertatu dala eta lehia earrak ikusi ahal izan diala.

Horrela izandu da lehenengo tanda Cabo eta Isuntzaren artekoa, non Galiziakoek, lehenengo kalearen abantaila baliaturik, 4. luzean txopa erakutsi diote Lekeitiokoei. Honenbertzez Cabo gaur seigarrena izan da. Libia eta Bueu kondenaturik daude playoffa jokatu eta zuzenean jaistera hurrenez hurren. Gaur ere azkenak.

Bigarren txandan Donostiarra nagusitu da, baiña 5. postuarekin konformatu behar izandu da Oriok segundu bat bizkorrago bukatu baitu bere txandan. Makazagaren mutilak azken ziabogan trabatu dira eta hor galdu dituzten segunduek zerikusi handia izandu dutelakoan nago. Hemen borroka Getaria eta Ondarroaren artekoa izan da, eta ia-ia gipuzkoarrek harrapatzen dituzte bizkaitarrak, kalerik txarrena zutelarik, baiña Esperantzakoek segundu bakar bat soberan euki dute. Ondarrutarrei are gutxiago falta izandu zaie Cabokoen aitzinetik amaitzeko. Kaiku da txanda hontan azkena eta okerren pasatu dana, azken ziabogan azkeneka zalakotz, baiña bueltako luzeetan, joaneko etsaia, lagun bihurtu eta errekuperatu dira azken bi postuak saihesteko.

Eta ohorezkoa are interesgarriago izandu da, Hondarribiak beti erreferentzi onenak markatu dituen arren Zierbena eta malaparteko kaletik zihoan Urdaibai gertu zirela-eta. Orio lehenengo maniobran gibelean geratzan hasi da, baiña gutxigatik bada ere, sailkapeneko 4. postua gorde du. Banderak 4. luzean hartu du Bermeoko norabidea. Hondarribia aurretik joan da estropada ososan, baiña galipoek eta Urdaibaikoek aurrea hartu diete azken paladetan.

Hurrengo geltokia Galizian. Bizkaiatik ateratzen dira sartu ziran bezala, baiña Cabo eta Kaiku lasaixeago. Hondarribiak segitu beharko du saiatzen, baiña bizkaitarrek ez diote aukera handirk emanen.

[xaguzar]

Eup!

7.a Agiñon izan zan, eta zuzenean ikusteko aukera izandu nun, giro onean, egualdia lagun ezkenuen arren.

20:30:94ko denborarekin galipoek euren bigarren bandera erdietsi zuten.

2. Donostiarra, 7 segundura.
3. Urdaibai, 8ra, bere posturik txarrena aurten.
4. Orio, 23ra.
5. Ondarroa, 25era.
6. Isuntza, 30era.
7. Getaria, 30era
8. Cabo, 34ra.
9. Kaiku, 39ra.
10. Hondarribia, 52.ra!!
11. Sanpedrotarra, 52ra.
12. Bueu, 1'19ra.

Kanpoko kaleek hobeagoak ziruditen, lehorretik itsasoa bare-bare zeola erranen nuke, baiña arraunlariren batek erran zidan kanpoko balizeen inguruan mugitua zeola. Bermeokoak 3. postura joan ziren, 2. txandatik Donostiarrak estropada bikaina ein zutelakotz. 4.a izan zan Orio urrutitxo ibili zen. Are okerragoa Hondarribikoa, 10.a bukatu baitzun eta soilik 7 ehuneneko Libia baiño azkarrago. Kaiku lehenengo maniobran arraun txikia apurtu bazuen ere txukun ibili zen.

[xaguzar]

Eup!

Eta 8. jardunaldia bizitzeko ez genun urrutira joan behar izan; enpanada batzuk ta muskuiluak tartean, Cabo de Cruzeko portura jun ginen eguraldi zoragarri eta haizetsu batian.

Hasieran haizea ez zeon hain harroturik eta aurreneko txandakoek ederki baliatu zuten, gero ufadak indartsuagoak izan zirelakotz. Urdaibai berriz ere garaipenarekin topatu zen majo sufritu ostean, Galiziatik berrindartuta ateratzen dan Donostiarrarekin lehia estua euki baitzuen. Honetan argi zegoen lehenengo ta bigarren kaleak babestuago zeudela, hala ere, Urdinek 20:07:52ko denborarekin naguditu ziran.

2. Donostiarra, 3 segundura.
3. Zierbena, 8ra
4. Hondarribia, 8ra
5. Orio, 9ra.

6. Ondarroa, 30era.
7. Cabo da Cruz, 38ra.
8. San Pedro, 38ra.
9. Lekittarra, 42ra.
10. Getaria, 45era.
11. Bueu, 47ra.

12. Kaiku, 1'27ra. Sestaokoek bigarren ziabogan estriborretik laga zuten baliza eta bigarren saiakera bat eitearren denbora dexente galdu zuten. Ez, ez dute zorterik ziabogekin.

Hondarribia lehenengo txandan aritu zan eta bezperako matxura zertxobait konpondu zuen. San Pedrokoek denboraldiko posturik onena lortu zuten, baldintzak ongi aprobetxatuz, baiña epaileek Cabori 4 ehuneneko gutxiago hartu zizkioten. Libiakoek ere ez dute zorte handirik ehunenekoekin.

Gaur, larunbata da jada, Getxon, eta telebistatik ikusi behar, Galiziako lagunik gabe. Nafarroan ere jaki goxoak topatuko ditut, ziur baietz!

[xaguzar]

Eup!

Albiste beltza datorkigu Getxo aldetikanen. Beteranoen estropada bukatutakoan Getxoko ontzian zihoan arraunlari bati bihotzeko bat eman eta bertan zendu da.

Goian bego eta arraunaren jendea sendiekin egon bedi momentu lazgarri hauetan! Gogorra benetan.

[xaguzar]

Eup!

Getxon ziaboga eman dio egutegiak denboraldiari, eguerdian Getxoko arraunlari baten heriotzak belztu duen egunean.

Lehenengo txandan Kaikuk, ondo borrokaturik, Libiari nagusitu zaio 2. ziabogatikanen igaro ostean irabaztearren. Carbaren mutilek ohi baiño hobeto ekin diote probari, baiña indarra falta zaie. Halere Isuntza eta kondenaturik dagoen Bueu gibeletik lagatzeko gai izandu dira.

Bigarrena Donostiarrak menderatu du hasieratik, Galizian erakutsi zuten hobekuntza baieztatzen. Getaria saitu ds, baiña bigarren postuarekin konformatu behar izandu da, Cabo eta Ondarroaren aurretik, non Galiziakoak 3. luzean bizkaitarrak atzean uztea lortu duten.

Ohorezkoan Iker Zabalaren mutilak ahalegindu behar izandu dira galipoen estropada onari eusteko, Getxoko bandera Urdaibai aldera eramateko. Zierbenak 3-4 segundu gehiago behar ditu izan. Orio 13 segundura iritsi da, 3.a izateko (meritua dakate eta ez nun espero hor goian egonen ziranik). Hondarribiak ordea ez du estropada ona egin eta gaurko 6. postuarekin ohorezko txandako tokia galdu du Donostiarraren mesederako.

[The undertaker]

San Pedrok, onerako, sorpresa eman dit.
Ausart eta lehiakor.
11.garrena ezingo du saiestu baña baikorra naiz gerorako.

[xaguzar]

Eup!

Bai, playoffari begira sentsazio onak eukitze aldera. Galiziako Ligatik Ares hagitz fuerte datorrela dirudi eta badakizure zer dagin Errekarekin...

Ea gaur itsadoa dagoela zelan portatzen diran batzuk ta bertzesk. 3. kalea tokatu zaio Libiari.

[xaguzar]

Eup!

San Pedrok, onerako, sorpresa eman dit.
Ausart eta lehiakor.
11.garrena ezingo du saiestu baña baikorra naiz gerorako.

Ba gaurko hondamendirako azalpena aurkitzea ez da gauza erraza. Kaleen arteko diferentziak, hiru txandetan, egonen ziran, baiña nik ustet gaur dana gaizki atera zaizuela. Geroak esanen du istripu bat izan dan ala zerbait larriagoa.

[xaguzar]

Eup!

Lekeition jokatu da iragan igandean 10. jardunaldia, baiña Nafarroako kobazuloan ETB1 ongi hartzea ez da samurra eta ez det ongi ikusi.

Harrituta geratu naiz emaitzekin, alde handiak eman baitira ontzien artean. Iker Zabalaren mutilek denboaldiko zortzigarren bandera irabazi dute 20:32:85ko kronoarekin, 17 segundu bizkorrago Donostiarra baiño. Aspaldi hontan Igor Makazagak zorroztu du ontziaren branka eta ohorezko txandan tokia hartu du. Hondarribia, 2. txandatik, eta Zierbena 34 segundura!! sartu dira. Oriok bost segundu gehiago behar izandu ditu, eta 5.a izan da.

Isuntzak, aise irabazi du lehenengo txanda bere etxean, 6.a izateko. Gero Getaria, Kaiku, Ondarroa, Cabo, Boeu eta hagitz estropada txarra ein duen Libia (azken luzean Buekoek eutsi diote Lekittarra eta Ondarroa txandakideek eginiko denborari, eta S. Pedrokoa izan da hondoratu dana, Galiziakoekin 18 segundu galduz azken luze horretan, 3. ziabogan 2 segundutara iritsi ostean).

Gauzak oso argi daude sailkapeneko bi muturretan: Bermeokoen nagusitasuna (Zierbenak kilimak egin diezaizkiokeen bakarra dirudi, eta kostata) eta Buekoen patu beltza. Libia hasi beharko litzake playoffean pentsatzen. Interes bakarra egon daiteke norberaren txanda irabaztean eta Zierbena, Orio, Donostiarra eta Hondarribiaren arteko lehian.

[xaguzar]

Eup!

Buahhhh.... ikusgarria gaurko jardunaldia, 11.a Castron! Oso estropada polita lehenengo txandatik amaitu arte. Urdaibai 9. banderaz jabetu da azken bolada hontan indartsu dabilen Donostiarrari 6 segundu atereaz.

Aurreneko txanda bi zatitan banatu da; aitzinetik Cabo eta Kaiku, Kaiku eta Cabo, nor baiño nor proba osoan segundu berean, eta azken txanpan gailegoak nagusitu dira. Gibeletik, gero eta galera handiagoarekin Bueu eta S. Pedro, honek beti legez sugundu dexente galtzen lehenengo luzean, baiña kostata bada ere Libiak Galiziakoak harrapatubeta 4. luzean gibeletik lagatzea lortu dute azken postua saihesteko.

Bigarren txanda ere bai hagitz polita joan da. Hondarribia buruan lehenengobluzean, Getaria bigarrenean eta laugarrena zihoan Isuntza, 3. luzean burua hartu eta txanda ere irabaztea lortu du Hondarribitarrek azken segundu arte estutu badute ere. Ondarroa izannda pixkanaka pixkanaka erortzen joan dana harik eta gaur 10.a izan arte.

Ohorezkoa ere polita joan da. Hasieran Donostiarra eta Zierbena bermeotarrekin pare ibili dira, batzutan txopa erakusten liderrari. Baina bigarren luzean bizkaitarrek aurrea hartu diote Igor Makazagaren ontziari eta ez dute amore eman helmuga zeharkatu arte. Zierbenak gaur 3.a bukatu badu ere 17 segundu gehiago behar izandu ditu eta Orio, txandako azkena 4. postuari eutsi dio.

Bihar Oriora. Uste et hau ere bai interesgarria suertatu daitekeela.

[xaguzar]

Eup!

12.enean, bai, nahiko iregularra izaiten ai dan Hondarribiak Orion garaipenarekin topo ein du, 2. txandatikanen, eta ongi baliatuz ohorezko txandan baldintzak petraldu direla.

Zierbenak irabazi du onenen txanda, baiña ezin Mikel Orbañanosen mutilen denbora mejoratu, 4 segundura geratu direlarik. Urdaibai, iñork nahi etzuen kaletik 2.a izandu da, gaurko sailkapenan 5. postura erorita. Donostiarra 4. kaletik eutsi, 7.a izan da eta Oriok 10.a bukatu du.

Bigarren txandan Amunarrizen ontzia jaun da jabe izandu da hasi eta bukatu arte, baiñe bere estropadaren bigarren zatis ez zirudien oso ona, bigarrena izandu dan Getariak 4 segundu jan dizkiolakotz, 8ra sartzen. Lekittarra 4.a izan da orokorrean eta Cabok ez du aukerarik izan baiña 9.a izan da etxekoen aurretik.

Lehenengo txandan Ondarroak menderatu du ta 6.postua erdietsi du. Gibeletik borroka estua ikusi dugu Kaiku (gaur 8.) eta S. Pedroren artean, baiña azken luzean Caeballedaren eskifaiak amore behar izandu du bertze behin 11.a izateko. Bueuk, borrokalari, lehenengo kaletik Kaiku eta Libiarekin eutsi ahal izan du aurreneko bi luzetan, gero erori da.

Datorren astebukaeran Hondarribia eta Pasaian, hagitz eremu ezberdiñak.

[The undertaker]

Eskerrik asko Xagu.
Gu jada playofetan pentsatzen.

[xaguzar]

Eup!

Eskerrik asko Xagu.
Gu jada playofetan pentsatzen.

Azkenean aurredenboraldiko aurreikuspenak bete dira. Aspalditik finkatu zerate kanporaketako postuan. Baiña gauza bat erran behar dizut: Carballeda erabiltzen ari da ustezko ordezkoak, gazteak -ta ez da nabaritzen ari-, eta zentzu horretan jator ari da betetzen erran zutena: dazkagunekin, edozertarako. Oker nengoen gero!

[muxarra]

Eup!

12.enean, bai, nahiko iregularra izaiten ai dan Hondarribiak Orion garaipenarekin topo ein du, 2. txandatikanen, eta ongi baliatuz ohorezko txandan baldintzak petraldu direla.

Zierbenak irabazi du onenen txanda, baiña ezin Mikel Orbañanosen mutilen denbora mejoratu, 4 segundura geratu direlarik. Urdaibai, iñork nahi etzuen kaletik 2.a izandu da, gaurko sailkapenan 5. postura erorita. Donostiarra 4. kaletik eutsi, 7.a izan da eta Oriok 10.a bukatu du.

Bigarren txandan Amunarrizen ontzia jaun da jabe izandu da hasi eta bukatu arte, baiñe bere estropadaren bigarren zatis ez zirudien oso ona, bigarrena izandu dan Getariak 4 segundu jan dizkiolakotz, 8ra sartzen. Lekittarra 4.a izan da orokorrean eta Cabok ez du aukerarik izan baiña 9.a izan da etxekoen aurretik.

Lehenengo txandan Ondarroak menderatu du ta 6.postua erdietsi du. Gibeletik borroka estua ikusi dugu Kaiku (gaur 8.) eta S. Pedroren artean, baiña azken luzean Caeballedaren eskifaiak amore behar izandu du bertze behin 11.a izateko. Bueuk, borrokalari, lehenengo kaletik Kaiku eta Libiarekin eutsi ahal izan du aurreneko bi luzetan, gero erori da.

Datorren astebukaeran Hondarribia eta Pasaian, hagitz eremu ezberdiñak.

A ze poza gaurkoan, Gure ama guadalupekoak denboraldi zail ontan sekulako sorpresa eta behar genuen bandera heman digu. Hemndik aurrera behettik gora ziur.
gora Honddarbi ! itxeki ekipo !

[Hetfield.]

Eup!

12.enean, bai, nahiko iregularra izaiten ai dan Hondarribiak Orion garaipenarekin topo ein du, 2. txandatikanen, eta ongi baliatuz ohorezko txandan baldintzak petraldu direla.

Zierbenak irabazi du onenen txanda, baiña ezin Mikel Orbañanosen mutilen denbora mejoratu, 4 segundura geratu direlarik. Urdaibai, iñork nahi etzuen kaletik 2.a izandu da, gaurko sailkapenan 5. postura erorita. Donostiarra 4. kaletik eutsi, 7.a izan da eta Oriok 10.a bukatu du.

Bigarren txandan Amunarrizen ontzia jaun da jabe izandu da hasi eta bukatu arte, baiñe bere estropadaren bigarren zatis ez zirudien oso ona, bigarrena izandu dan Getariak 4 segundu jan dizkiolakotz, 8ra sartzen. Lekittarra 4.a izan da orokorrean eta Cabok ez du aukerarik izan baiña 9.a izan da etxekoen aurretik.

Lehenengo txandan Ondarroak menderatu du ta 6.postua erdietsi du. Gibeletik borroka estua ikusi dugu Kaiku (gaur 8.) eta S. Pedroren artean, baiña azken luzean Caeballedaren eskifaiak amore behar izandu du bertze behin 11.a izateko. Bueuk, borrokalari, lehenengo kaletik Kaiku eta Libiarekin eutsi ahal izan du aurreneko bi luzetan, gero erori da.

Datorren astebukaeran Hondarribia eta Pasaian, hagitz eremu ezberdiñak.

A ze poza gaurkoan, Gure ama guadalupekoak denboraldi zail ontan sekulako sorpresa eta behar genuen bandera heman digu. Hemndik aurrera behettik gora ziur.
gora Honddarbi ! itxeki ekipo !

Ama Guadalupekoak denboraldi zaila? Ama Guadalupekoak aurten suspenso oraingoz ta arraunlari eta soldata "top" daude handik.

[muxarra]

Eup!

12.enean, bai, nahiko iregularra izaiten ai dan Hondarribiak Orion garaipenarekin topo ein du, 2. txandatikanen, eta ongi baliatuz ohorezko txandan baldintzak petraldu direla.

Zierbenak irabazi du onenen txanda, baiña ezin Mikel Orbañanosen mutilen denbora mejoratu, 4 segundura geratu direlarik. Urdaibai, iñork nahi etzuen kaletik 2.a izandu da, gaurko sailkapenan 5. postura erorita. Donostiarra 4. kaletik eutsi, 7.a izan da eta Oriok 10.a bukatu du.

Bigarren txandan Amunarrizen ontzia jaun da jabe izandu da hasi eta bukatu arte, baiñe bere estropadaren bigarren zatis ez zirudien oso ona, bigarrena izandu dan Getariak 4 segundu jan dizkiolakotz, 8ra sartzen. Lekittarra 4.a izan da orokorrean eta Cabok ez du aukerarik izan baiña 9.a izan da etxekoen aurretik.

Lehenengo txandan Ondarroak menderatu du ta 6.postua erdietsi du. Gibeletik borroka estua ikusi dugu Kaiku (gaur 8.) eta S. Pedroren artean, baiña azken luzean Caeballedaren eskifaiak amore behar izandu du bertze behin 11.a izateko. Bueuk, borrokalari, lehenengo kaletik Kaiku eta Libiarekin eutsi ahal izan du aurreneko bi luzetan, gero erori da.

Datorren astebukaeran Hondarribia eta Pasaian, hagitz eremu ezberdiñak.

A ze poza gaurkoan, Gure ama guadalupekoak denboraldi zail ontan sekulako sorpresa eta behar genuen bandera heman digu. Hemndik aurrera behettik gora ziur.
gora Honddarbi ! itxeki ekipo !

Ama Guadalupekoak denboraldi zaila? Ama Guadalupekoak aurten suspenso oraingoz ta arraunlari eta soldata "top" daude handik.

soldatak top? suspenso? gipuzkoako txapeldunak , ligan 3. eta bandera bat ligan.
Igandeko banderan 9 harrobiko arraunlari ontzi barruan.
Orduan Donostiarra edo Orio zer dira ?? super suspenso??

[Hetfield.]

Donostiarrak duen ekonomiarekin hasiera txarra baño argi, ta Honddarbi aurten suspenso harrobia bla bla bla baño 4 arraunlari gutxienez soldata top dituztenak edo ze usten duzu Urdaibai edo Zierbenatik muxutruk Joan direla arraunlariak honddarbira ez? Edo kastrotarrak gratis Jun direla hareaño? Ta Orio ere suspenso, saiatu dira etbko oriotarra eta abar Ondo daudela esaten baño ... Ikusiko deu nola bukatzen duten, oraintxe bertan aldapan Bera Orio.

[muxarra]

Bihar Hondarribiko ikurrinak jokatuko dira euskolabel eta euskotren ligan.
kanpotik estropada ikustera zatoztera ERNE !! Hondarribiko sarrera moztuta egongo da 14 :30 tatik - 16;00 inguru arte Klasika dela eta. nesken estropada 17:25 dnez, komeni da herrira goizez urbiltzea.
Ondo pasa zatoztenak eta aupa Honddarbi

[xaguzar]

Eup!

Esker aunitz, muxarra!
Abisu inportantea. Nik banekien, baiña ni kanpoan harrapatzen nau ta ez tet uste iñork hurbilduko nauenik. Ea ETBtik ongi ikusten diran.

Igandean Pasaian.

[xaguzar]

Eup!

Hondarribin Bermekoek irabazi dute 13. jardunaldian. Etxekoak bigarrenak, 8 segundu beranduago. Donostiarraren aurrekalaria, Arzalluz pasaitarra, oreka galdu eta uretara erori da lehenengo maniobran, baiña meritu jandiko estropada burutu dute 3.ak izateko. Okerragoa izandu da Zierbenakoa, galipoei lehenengo kalea suertatu zaie, baiña kostata bada ere 4. postua gorde dute.

Bigarren txanda ere oso polita joan da. Oriok eutsi dio lehenengo postuari, Ondarroak metro gutxi falta zirela aurrea hartu badio ere. Agilutxoek 16 ehunenengatik nagusitu dira, tosta bat ere ez! Gero Isuntza eta gaur makal ibili dan Esperantza, 10.postuan bukatu dela.

Izan ere, Kaiku, lehenengo txandako irabazlea eta Cabo, lehenengo kaletik, Getariarren aintzinetik sartu dira. Gaur Bueuk ihes egin dio azken postuari lan on bat eginez. Hondamendi galanta jasan duena Libia izan da. Nekez uler daiteke 4. luzean pairatu dutena, Galiziakoarekiko 20 segundu baiño gehiago laga baitu. Badirudi ordezko guztiak batera ontziratu direla, akaso bihar euren herrian onena ematen saiatze aldera.

Erran beharra dago Donostiarraren aurrekalaria onik irten dala bere istriputikanen. Bihar 40°C espero dira Kantauri isurian eta ikusiko degu 14. jardunaldia burutzea badagoen.

[The undertaker]

Gaur ere Urdabaik irabazi du pasaian.
Xaguren kroniken zain gauden bitartean Libiak estropada txukuna egin du. Geihago ez duela dirudi, baina agian nahikoa playofetan pentsatzen.

[xaguzar]

Eup!

Hona hemen 14. jardunaldian gertatutakoa.

Pasaian jokatu den estropadak badu bere berezitasuna: bost ziaboga eta 6 luze, ur geldoetan eta gaur eiten zun beroarekin, gogorra benetan arraunlariek euki duten eguna.

Urdaibaik irabazi du berriro ere, 11.a. baiña gaur Donostiarrak lana eman die, laugarren luze arte, non Makazagaren mutilek etsi behar izandu dute bermeotarren indarraren aitzinean, lau segundu eon dira euren artean. Kanpoko kaleetatik Zierbenak (4.a gaur) eta Hondarribiak (7.a) sufritu dute. Ikusten zan saiatzen zirela korronteak eta txandaz txanda harrotzen jun dan haizea baliatzen, eta barruko kaleetatik zihoaztenak hobeto moldatu dira ote.

Bigarren txandan Orio jaun da jabe aritu da, erlojuaren aurka borrokatzen, bertzeak lehenengo ziabogatik gibelean geratzen hasi baitira. Kaikuk, 2. kaletik zihoala, 23 segundu gehiago behar izan ditu baiña 6. posturaiño joan da, denboraldi osoko posturik onena lortuz. Ondarroak arazoak izan ditu 2. eta 3. ziabogan kateatuta geratu dalakotz segundu askotxo galduz, 11. tokira erori da eta Isuntzak, lehiatik at ibili dala estropada osoan, ondarrutarren akatsak baliatu ditu eta txandako 3.a izan da.

Lehenengo txanda, baldintzak hobeagoak zirela, parekatuago joan da, Sanpedrotarra joaneko luzeak aprobetxatzen, Cabo eta Getariaren pare joan da lan-erdira arte. Buekoea, atzoko eskifaian laupabost aldaketa eginik, hasieratik geratu dira. Laugarren luzean hagitz borroka polita ikusi da buruan, Cabo eta Esperantzakoak nor baiño nor, Libiak -gaurko maniobrak atzokoak baiño askoz txukunagoak ein ditu-, bi ontzi atzerago jarraitzen ziela. Azkenean Galiziakoak gailendu dira eta 5. postura joan dira, Getariarrak bakarrik 4 segundu beranduago iritsi arren 8.ak izan dira. Etxekoak gaur 10.ak. bertze irudi bat eakutsiz.

Datorren astebukaeran ene estropadarik kuttunenetako bat, Zarautzen. Bakizute, bi egunatan jokatzen da bandera, baiña puntuak bietan banatzen dira (eztu talka eginen Realaren partiduarekin ).

[xaguzar]

Eup!

Gaur ere Urdabaik irabazi du pasaian.
Xaguren kroniken zain gauden bitartean Libiak estropada txukuna egin du. Geihago ez duela dirudi, baina agian nahikoa playofetan pentsatzen.

Ba eztakit zer esan. Badirudi zalantza asko dituztela eta probak eiten ari direla. Gaur bi ordezko zeuden tostetan, atzo bost edo, eta postuen aldaketak, ankekoak bereziki, ere ikusten ari naiz. Atzo gaizki ziabogetan, gaur txukunagoak iruditu zaizkit.

Kanporaketari begira S. Juan faboritoa dugu, ia dana irabazteaz gain, eiten ari diren denborak ACTko 2. txandakoen parekoak izanen lirateke. Galiziatik Ares fuerte samar omen dator, estropada guztiak irabaziz. Ikusteke dago zurea eta bi hauekin batera zer bertze bi ontzi sartuko diren. Ez dezute samurra izanen jokoan dagon bigarren billetea eskuratzea, aurrenekoa arrosa kolorekoa baita.

[xaguzar]

Eup!

Bada ia beti legez Zarautzko ikurriña ederra suertatu zan, olatuak, batez ere kanpokaldean, haizea gero ta harrotuago, komeriak,.... Zarautzek beti ematen du zer kontatu.

Lehenengo txandan Kaikuk erakutsi zigun koska bat igo duela eta aise menderatu zituen txandakideak. Lehenengo kalearen babesa aprobetxatuz lehen paladetatik aldentzen hasi zan eta erlojuaren kontrako saioa izan zen Sestaokoentzat. Bueu, bigarrenetik, beti bigarren izan zen, eta S. Pedro momentu batzuetan hurbiltzen bazan ere Galiziakoek euren esttopadarin borobilena osatu zuten. Atzetik, laugarren kaletik eta Libiarekin batera, Cabo beti azkena zen, azken luzea arte non Beniren mutilek hobeto moldatu ziren poparean 13 segundu sartzeko hondoratuta zirudien Sanpedrotarrari. Hagitz kolpe latza Carballedaren mutilentzat, etxean estropada txukun bat egitetik zetozelakotz eta unerik txarrenean euren aurpegirik okerrena eman baitzuten. Badute bai kezkatuta eoteko motiborik.

Bigarren txanda mugituagoa izan zan, Getariak lehen kaletik eta Oriok, bigarrenetik oso norgehiagoko polita eman zuten. Ondarroa laugarrenetik saiatu zen eusten, eta Isuntza hirugarrenetik beti gibelean aritua zan. Lehenengo ziaboga hartua eta luze bikain batean Esperantzak errenta handia lortu zuen olatuen gaiñetik. Oriok segundu aunitz galtzen zuen, baiña beti bigarrena eusteko kapaza zan. Azken luzean agilutxoek Getaria harrapatu zutenneta euren pare jartzea lortubzuten, baiña Getariak azkenean 3 segunduko.errentarekin lortu zuen lehenengo postua. Ondarroak ezin izan zuen hurbildu ez eta Kaikuren denbira mejoratu. Lekittarra urruti, bigarren jardunaldian lehenengo txandan arituko da.

Hirugarren txanda zoragarria izan zen. Zierbenak hartu zuen burua, Urdaibai gertu zebilen, Donostiarrari kostatzen zitzaion eta Hondarribial ezin baliatu ustezko kalerik onena. Bigarren luzean galipoak hobeto moldatu ziren eta abantaila handitu zuten, baiña olatu baten gainean bigarren ziaboga hartzean luze jun ziran eta istripua ailegatu zan: arraun bat aputu zuten. Bigarren maniobra horretatik buruan atera baziren ere, ordezko arrauna jarri eta, halajaina! hau ere apurtu zuen arraunlari berak. Azkenean deliberatu zuten aurrekalariaren arrauna ababor 3. zen arraulariari eman eta arraun bat gutxiagirekin osatu zuten estropada segundu preziatuak galtzen. Ordurako Donostiarra zen bermeotarren pare zebilena. Azken maniobran Makazaka eta Zabalaren mutilak denbora berean zeuden, Hondarribia eta Zierbena bezala baiña 8 segundura biak. Azken luzearen ikuskizuna zoragarria izan zen Urdaibai eta Donostiarraren artean, nor baiño nor, olatuak baliatzen saiatuz branka aurretik mantentzeko. Bermeotarren indarra nagusitu zen azkenean eta 4 segundu luzeko aldearekin helmugaratu ziren. Azkenean Hondarribia 12 segundura sartu eta azkena 15era. Laurak bigarren jardunaldian ohorezko txandan arituko dira.

Gaur jada bertze ikuskizun bat ikusteko irrikaz. Eguerdi aldean, atzo ez bezala, 3. eta 4. kaleak hobeagoak izan daitezke. Ikus dezagun zer ematen duen eta ea Urdaibaik lortzen duen bandera preziatua, atzoko denborak, dakizutenez, kontatzen baitira.

[Hetfield.]

A ze ostiya gaur Donostiarrak sartu duna!!

Zorionak oso merezitako bandera ta hauek datoz... Como una moto!!

A ze ostiya gaur Bermeok jaso duna.

Kontxako... Argi... Honddarbi, Zierbena, ta Donostiarra goraka datoz naiz eta momentuz Bermeo izan favorito.

[xaguzar]

Eup!

Ze earra dan arrauna Zarautzen!! A ze bi jardunaldi! atzokoa eta gaurkoa gozatzeko modukoak.

Aspaldi hontan goranzko progresioa erakusten ai zan Donostiarrak, kolpe handia eman eta 16. jardunaldia irabazteaz gain, atzo galdutz zekartzan 4 segunduak errekuperatu eta Zarautzko ikurriña ere irabazi du, aurtengo lehendabizikoa eta Zarautzen!

Zierbenak atzoko "istripua" ezin irentsi eta majo sufritu ostean atzeratuta geratu da. Urdaibaik, Donostiarrak berak eta zenbait momentutan gertu eon dan Hondarribiak sekulako ikuskizuna eman digute. Bazirudien Urdaibai edozein unetan gaindutuko zuela estropada edo gutxienez ikurriña bereganatuko zuela, baiña ez bata ez bertzea; Igor Makazagaren mutilak azken olatu baten gainean satu dira helmugan eta ez da foto-finish bat ere behar izan jakiteko garaikeak zirela. Hondarribiak 4. luzean borrokatik at geratu da.

Bigarren txandan, gaur Getariak ez du Orio oharkabean hartu eta agilutxoen 15 segundura helmugaratu dira. Ondarroak 4. kaletikanen estropada serio bat egin, baiña 3.a izan da eta Kaikuk estropada erdi on bat egin du, baiña 3. luzean gertazen hasi da.

Aurreneko txandako faboritoaknez tu hutsik egin eta Caborekin lehia polit batean nagusitu da, segundu bat euren artean. Bueuk bertze behin irabazi dio burua ezin altxatu dabilen Libiari. Ez dakit ze ari dan aldatzen Carballeda, baiña atzerapauso handi bat eman dute astebukaera hontan, bi egunetan azkenak eta irudi kaxkarra emaiten.

(Undertacker, igoal ez da momentua gauzak aldatzeko eta lengo ideiari eutsi beharko zeniokete, honela ez det uste maila mantentzeko gai izanen zeatenik. Hori bai, iragarrita zegoen, ezin esan sorpresa danik, baiña ez nuen espero abuztuaren erdian okerrera eginen zenutenik).

[mitxelo]

Ondarroako bandera Getariarentzat!! A ze poza. Aurreko urtean bezela bigarren txandako irabazleak bandera etxera. Zorionak Esperantza!!

[xaguzar]

Eup!

17. jardunaldia, ustekabean, baina ez ta esperantza iñoiz galdu behar, Getariak, bigarren txandatik eaman du bere lehenengo bandera TKE (ondo, Mitxelo ) Ligan. Bejondeiela!

Gaur itsasoa bihurri zebilen, ipar-mendebaldetik zetozen olatuekin, eta haizea jostalari, oain harrotu, orain apaldu. Adituek diote arratsadean jokatzen danean, Ondarrun 3. eta 4. kaleak hobeagoak direla. Ni uste berekoa naiz; izan ere ur nahasi hauek beti enaiten diguten sorpresaren bat, edo bi...

Has gaitezen hasieratikanen. Lehenengo txandan Kaikuk babesa hartu lehenengo paladatan eta joan da. Buruan ibili da uneoro, zenbait momentutan Cabo hurbiltzen bazan ere (azken jiroan 6 segundu ateratzen zizkien galiarrei), baiña helmugara iristear zeudela branka sartu diote eta bizkaitarrak 2. postuan sartu dira, ehuneneko batzuk tartean zedudelarik. Bueukoek aurpegia eman dute, eta bigarrenak ziren hainbat unetan, bazirudien gaur ere Sanpedrotarra azkena izanen zela, are gehiago 2. ziaboga ematean trabatuta geratu direnean, azkenak ziren jada eta hor dozena erdi bat segundu baiño gehiago galdu ditulakoan nago, baiña kapazak izandu dira brankaz berriro hurbiltzeko eta azken luzean Galiziakoei aurrea hartzeko. Gaiñera, Libiak baja asko omen ditu eta gaur ordezko batzuk zeuden haren tostetan (bihar, Getarian ere bai, erraten didate). Hau izan zitekeen kondizio txarrenak topatu dituen txanda eta denbora handi samarrak izandu dira.

Bigarren txandan, sorginkeria bat izan balitz bezala, haizea apaldu eta baldintzak askoz hobeagoak topatu dituzte arraun egitekl, proba osoan zehar. Orio eta etxekoak ziren hasieran nabarmendu direnak, Isuntza, 3. kaletik ez da hasieratik ongi ibili eta beti gibeletikanen zebilen, baiña Getaria, ixil-ixilik, bere 4. kaletik ez zegoen urruti eta Jon Larrañagaren mutilek 3. ziabogan bazeuden buruan eta garaile helmugaratu dira, Orio baiño 4 segundu bizkorrago. Ondarroa saiatu arren, 3.arekin konformatu behar izandu da.

Eta zer gertu da ohorezko txandan? Bada sarri askotan itsasoan gertatzen dana: sorginkeriaren eragina bukatuta, haizea berriz ere harrotu eta olatuak ontziekin jolasean hasi direla. Urdaibai nagusi izan da, Donostiarrak eta Zierbenak erantzun nahi bazuten ere, baiña Bemeokoek estropada bikaina ein dute, bai, baiña 5.ak eta 36 segundura bukatzeko, azkena izan zen Lekitarraren denbora ia berean. Zierbena eta Donostiarraren arten 7 segunduko aldea eon da. Baiña Hondarribiaren hondamendia lehenengo kaletik erabatekoa izandu da, jorra hor bertze sorpresa bat. Segituan geratu dira gibelean eta segunduak erreskadan galduz 10. tokiraiño jaitsi dira.

Bihar Getarian, egualdi hobea izanen dugulakoan nago eta interesgarri izan daiteke asteazkeneko sailkatze estropada gertu dagoelakotz. Hondarribiak 2. txandatik jardunen du.

[xaguzar]

Eup!

Getarian, atzoko irabazleen etxean, 18. jardunaldian hainbat gauza interesgarri gertatu dira: Donostiarrak denboraldiko bigarren bandera irabazi dute; Urdaibaik, matematikoki, Ligako txapelduna da 10. aldiz, azken hirurak erreskadan; Sanpedrotarran debuta egin du Cristian Garmak, Castroko semea, estreialdi ona, gainera.

Lehenengo txanda hastearekin batera haizea ere altxatu da. Parekatuta hasi da eta diferentziak ez dira nabarmenak izan lehenengo luzean. Libiak gero burua hartu eta Cabo gertu eaman dute atzetik, Bueu eta Kaikuk, aldaketa dexentekin euren tostetan, segunduak galtzen zituzten bitartean. Azken luzea hastean Carballedaren mutilek Caborekiko 6 segunduko aldearekin ekin diote, baiña baakigu nolakoak diren Beni Silvaren arraunlariak, eta azken momentua arte estutu dute txanda irabazi nahiean; txopan zihoan Garmak bere arraunlari gazteak (atzo bezala, baja aunitz zituzten) hustu ein ditu eta segundu erdi batengatik beren txandako irabazleak izan dira. Behin behineko garaipen honek aire emanen die moreei kanporaketari begira, Garma efektua ote? Maruxiak agur erran dio gaurkoarekin TKE Ligari, 2025ean Galiziako Ligan aritzeko. Kaiku eta Caboren azken jardunaldia izan da, 10. eta 9. bukatu baitute eta ez dute parte hartuko azken bi jardunaldietan, Bermeon ta Bilbon.

Baldintzak hobeagoak izandu dira 2. txandan. Hemen ere bai Orio eta Isuntzaren arteko lehia polit bat ikusi degu. Lehendabiziko luzetikanen, gibeletik, Getariak eta Ondarroak bertze lehia estu bat mantendu dute. Azken ziabogatik Arostegiren ontzia 4 segunduko aldearekin atera da eta helmugan bertze lau sartu dizkio Lekittarrari. Garaipen garrantzitsua Oriorentzat ohorezko txandara itzultzeko balioa izan dulakotz. Ondarroa bere aldetik azken luzean Getariari aurrea hartu eta 6 segundu lehenago sartu da.

Ohorezko txanda are txundigarriagoa izan da. Zierbenak hartu du burua hasieran eta bi segundu lehenago ailegatu da balizara, Torrekua eta Urdaibai baiño; Hondarribiak ez du burua altxatzen eta lehenengo maniobran 10 segundu galtzen zituen jadanik. Bigarren ziabogan hiru segundutan zeuden bizkaitarrak eta donostiarrak. Hondarribia ez zen sartzen estropadan. Baiña hortik aitzinera galipoak amore ematen hasi dira eta Bermeokoak eta Donostikoen borroka eztanda ein du, biak ala biak euren kaletatik at, zenbait momentutan alkarrengandik hagitz gertu. Brankaz branka ailegatu dira helmugara eta bertan foto-finisharen laguntzaz Makazagaren eskifaiaren garaipena baieztatu da, bandera balio duten 8 ehunengaitik! Zierbenak 19 segundu gehiago behar izan ditu eta Hondarribitarrek 34, 7.ak izateko eta ohorezko txandatik bigarrenera jausteko, orain 5.ak dira sailkapenean.

Gaurkoarekin iristen gera etenaldi batera, Kontxako estropadari leku eiteko. Azken bi jardunaldiak eta playoffa Arraunaren Olinpiada bukatutakoan jokatuko dira.

Asteazkenean, sailkatze estropada, baiña horrek bertze hari bat merezi du!

[xaguzar]

Eup!

Hamen dago, Bermeoko estropada, azkenaurrekoa, hainbertze ontziren patua deliberatuko duen kanporaketako lehen jardunaldia aurtengo Ligako txapeldunaren etxean. Kontxa iragana da jada, Zarautzko estropada ia ahaztuta, hainbertze estropada, sailkapenak, borrokak eta gertaeren ordoren, Bermeoko estropada hau garrantzitsuenetako bat da.

Ai, kanporaketak! urduritasuna muturrekoa izanen da, herri batzuetako jendearen ilusioa eta ezinegona nahasturik, Pasaian, Bermeon bertan, Zumaian, Astilleron, Moañan, Santurtzin... gau iluna izan daiteke gaurkoa batzuentzat; zeintzu ailegatuko dira biharko eguntsentira itxaropenekin? Eta adi eon, metro bateko olatuak eta 30 kilometro orduko haize-ufadak espero direlakotz....

17:35etan nesken playoffa: Astillero, Cabo, Chapela eta Zumaia erlojuaren kontra.
18:08etan, mutilen txandan, erlojuaren aurka ere bai, S. Pedro, S. Juan, Ares, Chapela eta Santurtzi.
Eta 18:51etan Euskolabel Ligako aurreneko zortzi klubak bi txandatan: Lekittarra, Ondarroa, Getaria, Hondarribia, Orio, Donostiarra, Zierbena eta Urdaibai.

Arrtsalde paregabea arraunaren munduan!