2024_Euskotren Liga (ACT-NESKAK)

[xaguzar]

Eup!

Hari berri hau paratzen det bereizteko nesken lehiaketa eta oan arte idatzitakoa honea ekarriko det.

[xaguzar]

Aurreneko jardunaldia:

Eup!

Euskotren Ligari (neskak) dagokionez, bada mutilekin gertatzen dana, faboritoak huts egiten ez duela eta Arraun Lagunak, lehenengo tandatikanen, aise irabazi du 12" ateratzean bigarrenari.

Hemen ere bai gatza ta piperra donostiarren gibelean da. Gaur Orio izan da 2.a ehunenekoak Tolosari atereaz. 4.a Donostiarra.

Eta bihartik aurrera seguraski lehenengo tandan ibililo direnen artean gaur bizkorrena Hondarribia. Gero Cabo Hibaikaren aurretik Tiran azken tokian lagatzeko.

[xaguzar]

2. Jardunaldia:
Eup!

Bueun (Galizia) jokatu da nesken 2. jardunaldia, itsaso bare-bare zeon eremu batian, eta, nola ez? Arraun Lagunak-en bigarren bandera; aise erraitera ausartuko nitzake.

Atzo nioen legez borroka politta atzetikanen dator, Tolosaldeak, 9" gehiago behar izandu dituela, segundu erdi bat atera dio Oriori. Laugarrena gaur Donostiarra.

Laurek hobetu dute aurreneko txandako garailearen denbora, Hibaikarena hain zuzen ere, gibelean laga ditula, hurrenez hurren, Hondarribia, Cabo da Cruz ta Tirán irudi txarra erakusten ari dala denboaldiaren hasiera hontan.

[xaguzar]

3. Jardunaldia:

Eup!

Euskotren Ligaren 3. jardunaldia Donostian izandu da. Olatu zikinen artean eta kalerik txarrenetik abiatuta, Arraun Lagunakek berriro ere txopa eakutsi die bertze guziei. Hirugarren eakustaldia hainbertze jardunalditan.

Tolosaleko neskek, 11 segundura, bigarren postua erdietsi dute Orioko ontziak estu ta larri hartu badu ere. Donostiarra 4. kaletik, 4.a ere izan da.

Ohorezko txandan aritutako guztiek aurrekoaren denborarik onena jaitsi dute, Caborena, alegia. Hondarribia lehenengo kalea egokitu zaion arren, bigarren luzean, poparean, galizikoekin zeraman aldea murriztu dute bigarrenak izateko, zortzi segundura. Gaurkoan Tiranek azken postua, hagitz egun txarra euki dun Hibaikari laga dio.

[xaguzar]

4. Jardunaldia:

Eup!

Goazen neskekin. Euskotren Ligaren 4. jardunaldia, Zierbenan.

Ustekabe handirik ez: garaile, Arraun Lagunak! Lautik lau. Gaur konplikazio handirik gabeko itsas-eremu batean. Kanpoko balizetan mugimendua antzematen zan, baiña ez handia. Tolosaldea, Orio eta Donostiarra hurrenez hurren bi segundutan ailegatu dira.

Lehenego txanda Hondarribiak lasai asko irabazi du 5. postuaz jabetzeko. Eta gaur Hibaikak galiziarrak gibelean laga ahal izandu ditu, non Tiran bertzen behin azkena izandu dan.

Lau estropada jokatuta gauzak finkatzen hasiak dira: lehenengoa faborio nagusia, Donotiako Arraun Lagunak (32 puntu). Gero Ramon Erostarberen neskak (25) eta Orio (25). Donostiarrak (20) osatzen du ohorezko tanda. Gibeletikanen Hondarribia (14), Caboren aurretik, puntu bakar bat Hibaikari aterata (11 eta 10, hurrenez hurren). Azkena patu beltza duen Tiran, 5 punturekin.

Liga honen gatza ta piperra 2. eta 3. postuen inguruan da, ea Tolosaldekoak eta Orio, nor baiño nor, Arraun Lagunak ontziari noizbait irabazteko kapazak diran. Bertze borroka interesgarri bat suertatu leike Cabo eta Hibaikaren artean, azkenaurreko postua ekidite aldera.

[xaguzar]

Eup!

5. jardunaldia, Bilbon, erlojuaren aurka.

Arraun Lagunaken bertze eakustaldi bat, 13-14 segundu aterata gaur bigarren izandu dan Donostiarrari. Hondarribia, estropada ona eginez, 3. postuaz jabetu da, Orio eta Tolosaldearen aitzinetik. Hibaika gaur 6.a, Galiziako Cabo eta Tirán gaindituta.

Bihar eguerdi aldean seigarren jardunaldia Sestaon.

[xaguzar]

Eup!

6. jardunaldia, Portugaleten. Atzoko postuen araberako tandatan banatuta. Arraun Lagunaken bertze garaipen bat.

Lehenengo tanda Tolosaldeak irabazi du, baiña harritzekoa bada ere, 3. kaleari eutsiz. Akaso horrek azaltzen du zergatik gaurko sailkapenean 5.ak baiño ez diren izan. Bertze albistea izandu da Tiranek azken postuari ihes ein eta Caboko herkidei laga. Hibaika 2.a izandu da txanda hontan.

Ohorezkoan, erran bezala, Lugañenek aise nagusitu da. Orio ta Donostiarraren arteko norgehiagoko polita orien alde jausi da. Hondarribiak estropada ona ein arren azkena izan da, baiña 4.ak azkenean.

Bagoaz Galiziara datorren astebukaeran!

[xaguzar]

Eup!

Ba Galizira eraman ninduten jan, edan ta estropadak ikustera; jakiña! Ikusi, gauza gutxi ikusi nitun zuzenean, baiña giro earra benetan!

7. jardunaldia Agiñon burutu zan, euripean, gero argitu bazun ere. Beti bezala, Lugañenek erdietsi zun garaipena 11:00:46 denborarekin.

2. Tolosaldea, 5 segundura.
3. Orio, 8ra.
4. Donostiarra, 11ra.

Gero lehenengo txandan aitu zirenak:
5. Hondarribia, 21era.
6. Cabo, 35era.
7. Hibaika, 36ra.
8. Tiran, 42ra.

Polita 2. postuan sartzeko lehia ohorezko txandan eta interesgarria Hondarribiaren gibeletikanen norgehiagoka Cabo eta Hibaikaren artean.

[xaguzar]

Eup!

8.a Boiroko portualdean jokatu zan igandean. Eta emaitza antzekoarekin non bertze behin Arraun Lagunak errepikatu zuen, denbora ere bai: 11:00:92. 8. bandera.

2. Donostiarra, 13 segundura.
3. Tolosaldea, 14ra
4. Orio, 19ra.

Hauek guztiek aurreneko txandako denborarik onena hobetu zuten.
5. Hondarribia, 28ra
6. Hibaika, 35ra
7. Tiran, 37ra.
8. Cabo, 41ra.

Igandean Donostiarra Tolosaldearei nagusitu zitzaion, eta Hibaika eta Tiranen arteko borroka estuak Cabo azken postura eaman zuen.

Bizkai aldera goaz astebukaera hontan!

[xaguzar]

Eup!

Getxoko uretan jokatu da 8. jardunaldia, non Lugañenek bertze eakustadi bat eman duen ta aise irabazi du bere zortzigarren bandera 10:37:36etan kronoa gelditzen. 15na segundu atera dizkie Donostiarra eta Oriori; hogei laugarrena izandu dan Hondarribiari, aurreneko txandaren garailea. Gaur Tokosaldeak ez du bere egunik onena izan eta 28 segundura sartu da, Hibaikaren denbora segundu batean mejoratuz. Urrutiago Cabo eta Tiran.

Bihar, Lekeition.

[xaguzar]

Eup!

Eta Lekeitioko bandera ailegatu zan ta historia errepikatu zan: garaile Donostiako Arraun Lagunak. Honako honetan aurreneko txandan aritu zen Tolosaldeari 5 segunduko abantaularekin. Gaindiezina dirudi Etxaberen koadrilak.

Hurrengo hiruen arteko borroka oso-oso polita dihoa. Atzo Donostiarrak lehenago bukatu zuen lana Oriok baiño. Eta ohorezko txandan aritu zen Hondarribia etzan hagitz urruti ibili, 5.a geratzeko. Cabo Hibaika baiño bizkorrago ibili zan eta Tiran azken postuan, bertze behin.

[xaguzar]

Eup!

11.a Castro Urdialesen, 11.a ere bai Lugañenek irabazten duen bandera. Brankaz laugafeen kaletik sufriarazi du Tolosaldea, baiña poparean, eroso eztet erranen baiña arazo handirik gabe, abantaila handitzen jun da 7 segundu lehenago sartzeko. Txandakideek, Donostiarra eta Orio, hobetu dituzte aurrekoen denborak.

Aurreneko txanda horretan Hondarribiak irabazi du, koska bat gorago dagoela erakutsiz. Cabo eta Hibaika birroka estua euki dute era azkenean 2 segundugatik Oreretakoak nagusitu dira. Azkena izan den Tiran ez da iñoiz estropadan sartu.

Bihar Orion.

[xaguzar]

Eup!

Bizitzak berdin darrai, gaurko jardunaldian, hamabigarren bandera eskuratu du Arraun Lagunak. Brankaz lanak eman dizkiote bertzeek, baiña ziaboga eman bezain laster turboa jarri eta segunduak sartzen joan dira helmugarako bidean, azkenean 6 Tolosaldeari, 9 Oriori eta 17 herrikidei.

Hondarribiak, nagusitasunez irabazi duela aurreko txanda, 2 segundutan hobetu du Kaiarripeko klubaren kronoa. Hibaika bertze puntu bat sartu dio Cabori eta Tiran, azkena bertxe behin, saikapeneko zulo beltzean hondoratzen da.

Larunbatean, Hondarribiko uretara dihoazte eta biharamunean Pasaian.

[xaguzar]

Eup!

Ba 13.a ere bai irabazi du Arraun Lagunakek, eta honenbertzez, matematikoki, Etxaberen neskak aurtengo ligaren txapeldunak ditugu, 3 jardunaldi faltan daudela.

Gaur Donostiarra izandu da lan gehien eman diona, ziabogan 3 segundu gehiago behar izan dutela, baina poparean Lugañenek bere indar guztia erakutsi du eta 14 segundutara iritsi da abantaila helmugan. Orio, gaur iñork nahi etzuen lehenengo kaletik joan da eta minutu erdi baiño gehiago behar izan du gaur 4.a izateko. Tartean Tolosaldea sartu da.

Guztiek hobetu dute lehenengo txandan garaile izan den Hondarribiaren denbora. Etxekoak 4. kalea egokitu zaien arren Caboren mehatxua jasan behar izandu dute amaieran 3 segunduko aldeari eusteko. Eta galiziarrak lehenengo kaletikanen zihoazten! Hibaika 7.a izan da eta Tiran azkena.

Bada hori, badegula aurtengo Txapelduna Euskotren Ligan, jokaturiko 13 bandera eskuratuta. Zorionak Donostiako Arraun Lagunak klubari!!

Bihar, beroak eragozten ez badu, 14. jardunaldia Pasaian.

[xaguzar]

Eup!

Berezia gaurko estropada Pasaian, beroagatik bai, baiña bereziki neskek 3 luze eta bi ziaboga kudeatu behar izandu dituztelakotz. Honekin guziekin betiko garailea, Arraun Lagunak txapelduna, bere 14. banderarekin hainbertze jardunalditan.

Gaur gehien hurbidu zaiona, 8 segundura, Orio izan da. Oriotarrek bailo 4 segundu gehiago behar izandu ditu Donostiarrak eta honek bertze 2 gaur 4. kaletik asmatu ez duen Tolosaldeari, 4. postuarekin konformatu behar izan dala.

Aurreneko txandan, ohi bezala Hondarribia nagusi. Hibaikak ere bai aise laga du gibelean Cabo, eta Moañako kluba, Tiran, azkena, jaitsiera zuzena gero ta gertuago duelarik.

[xaguzar]

Eup!

15. jardunaldia Zarautzko ikurriñaren lehenengoa da. Eta larunabetkoan Arraun Lagunak irabazi ta 8 segunduko errentarekin Orioren gaiñetik. Orio brankaz hor eon zen Lugañenekin borrokan, baiña ohi bezala, bueltako luzean donostiarren indarra eta olatuak baliatzeko trebeziaz aldentzea lortu zuten. Atzo 1 eta 2 kaleek hobeagoak ziruditen joaneko luzeetan, itzultzeko berriz kanpokoak lagun. Hondarribiak -bigarren txandan baldintzek okerrera ein zuten-, hirugarren postua eskuratu zuen, Donostiarra eta Tolosaldeak (gaurko jardunaldian lehenengo txandan einen dute lan), euren egunik onena izan ez zutelakotz.

Lehenengo txandan amaguadalupekoa jaun da jabe izan zan estropada osoan, eta Cabo Hibaikari nagusitu zitzaion. Tiran azkena, bertze behin.

Ea bada gaur zer gertautzen dan Ligako azken jardunaldian, baiña ikurriñak Donostirako bidea hartu duela dirudi.

[xaguzar]

Eup!

Hamaseigarrenean ai danez, zioen filma baten izenburuak, azken jardunaldian gertau behar izandu du eta zeinek eta Tolosaldeak ekindin du Arraun Laguneken plenoa. Zarautzko bandera Donostira joan da atzoko denborak kontutan izaki, baina jardunaldia Ramon Erostarbek zuzentzen duen eskifairena izan da, lehenengo txandatik.

Gibelean, baiña biziki urruti Tokosaldeatikanen, Hibaika bigarrena izan da eta Cabok, 3.a, Tirarek baiño segundu bat lehentxeago sartu da.

Ohorezko txandan, atzo Hondarribiak bertan aritzeko aukera topatu zuen, baiña argi dago koska habdi bat beherago dagoela eta hasieratik geratzen hasi da. Oriok, ohi bezala, indartsu ekin dio lanari eta burua hartu du, ziaboga eman arte, beti legez Arraunek burua hartu baitu. Bogarren luze horretan, poparean, Donostiarra izan da Lugañene estu ta larri jarri duena, baiña helmugan segundu t'erdi bateko abantailari eutsi diote, bai, baiña aurreko txandaren garailetik 3 segundura. Oriok ez du asmatu poparean.

Honenbertzez, honela geratu da aurtengo emakumezkoen Ligaren sailkapena:

Txapelduna, Arraun Lagunak bikain bat, 127 punturekin.
2. Tolosaldea, 96rekin.
3. Orio, 94.
4. Donostiarra, 92
5. Hondarribia, 69
6. Hibaika, 42
7. Cabo Da Cruz, 37 (mailari eusteko kanporaketa bat jokatu beharko du).
8. Tiran, 19 eta maila galduta.