2023_KONTXA (Emakumezkoa)

[xaguzar]

Eup!

Asteazkenean, etzi, 18:00etan sailkatze-estropada abiatuko da. Segurutzat jo dezakegu Arraun Lagunak, Orio, Tolosaldea eta, nere ustez, Hondarribia (ez dezagun ahatzi Donostiako bertze kluba, Kaiarribakoa, parte hartuko duela zuzenean datozen bi igandeetan).

[xaguzar]

Eup!

Metro t'erdiko olatuak espero dira eta haizeak indarrez jo lezake. Faboritoak lehenago.

Irteeraren hurrenkera:
1. Tolosaldea
2. Orio
3. Arraun Lagunak
4. Kaiku
5. Hibaika
6. Tiran
7. Hondarribia
8. Chapela
9. Cabo da Cruz
10. Hernani
11. Deustu
12. Astillero
13. Zarautz
14. Ondarrua
15. Mugardos
16. Cesantes
17. Zumaia
18. Perillo

Pozik nago tokatu zaigunarekin, bertzeen errefentziak eukiko ditegulakotz, baiña baldintzak hagitz labainkorrak izan daitezke, horabehera askotxo eon daitezke momentuoro.

[xaguzar]

Eup!

Denborak:

1. TOLOSALDEA: 12'36
2. ORIO: 12'23
3. ARRAUN LAGUNAK: 12'31
4. KAIKU: 13'13
5. HIBAIKA: 13'06
6. Tiran: 13'56
7. HONDARRIBIA: 13'04
8. Chapela: 13'18
9. Cabo da Cruz: 13'23

10. Hernani:
11. Deustu:
12. Astillero: 13'41
13. Zarautz: 13'47
14. Ondarrua: 13'46
15. Mugardos: 15'04
16. Cesantes: 14'54
17. ZUMAIA: 12'57 TZUN! TZUN! TZUN!
18. Perillo: 14'24

(Hizki larriz sailkatutakoak).

[xaguzar]

Eup!

Eskerrik asko emakume guzti hauei emandako ikuskizunagatik!!

Datozen igandeetan hauexek lehiatuko dira arraun-olinpiadetan: Orio, Arraun Lagunak, Tolosaldea, Zumaia (aupa Amane!), Hondarribia, Hibaika, Kaiku eta Donostiarra. 7 gipuzkoar eta bizkaitar bat. Akaso itsaso zakarrak min egin die Galiziakoei, Chapela (6 segundutara, 8.a izandu dana), Cabo eta Tiranei, erraterako.

[xaguzar]

Eup!

Bihar, bihar da 1go jardunaldia, 11:00etan. Lehenengo txandan Hibaika, Zumaia, Kaiku eta Orio arituko dira. Bigarrenean Tolosaldea, Donostiarra, Hondarribia ta Arraun Lagunak. Ene ustez 2.a da txandarik indartsuena eta gainera guztiek Oriok eindako denboraren erreferentziaren jabe izanen dira. Oriotarrak faborito argiak dira aurreneko txanda irabaztearren, baiña nik uste det erlojuaren aurka baleude bezala jardun beharko dutela.

Egualdi ona espero da eta metro bateko olatuak. Goza dezagun!

[xaguzar]

Eup!

Lehenengo txanda:

1 kalean Kaiku
2 Orio
3 Zumaia
4 Hibaika

[xaguzar]

Eup!

Lehenengo txanda:

4 Kaiku 11'15
4 Orio. 10'42
7 Zumaia. 11'04
8 Hibaika. 10'57

2. txanda:

3 Donostiarra. 10"39
1 Tolosaldea. 10'37'64
2 Arraun Lagunak. 10'37'82
6 Hondarribia 10'59

[xaguzar]

Eup!

Ez dirudi isasoaren egoerak edota haizeak zerikusi handia izan dutela hgaurko estropadan, eta ordu horretan. Haizea hegomendebaldetik zetorrela iruditu zait eta olatuak ez ziren metro batera ailegatzen.

Lehenengo txandak ez du historia handirik izan, hasieratik finkatu dira ontzien postuak, Oriorekin aurretik eta errenderikoak 2. postuan; gibeletik, ez urruti, hori ere bai, Zumaia eta Kaiku aritu dira baiña 2. luzean Telmo Deun 3. postuaz jabetu da. Oriori indartsuenekin batera ez aritzeak kalte ein diolakoan nago; 6 segundu ez dira gehiegi, baiña laugarren denbora izanda, zaila dauka bandera.

2. txanda askoz lehiatuagoa izandu da. Hondarribitarra laster geratu da, baiña bertze hiruren artean borroka estua ikusi degu. Donostiarra bizkorrena zen joatean, baiña Tolosaldea ezin urrundu eta Arraun Lagunak eusten. Itzultzean Tolosakoek euren kaleari eutsi diote, Donostiarra 1go kaletik itzultzera behartuz, harik eta aurra hartu arte. Arraun Lagunak borroka gogor horretatik aldenduta, bere kaletik, diferentzia txikitu nahiean, baiña ez die denborarik eman burua hartzeko. Ramón Erostarberen neskek garaipen itzela lortu dute ehuneneko gutxiengatik. Arraun Lagunak 2. postua harrapatu du eta Torrekuakoak 3.arekin konformatu behar izandu dira, 2 segundu gehiago behar izan dituztela.

Hurrengo iganderako ohorezko txanda interesgarri bat geratu zaigu Tolosaldeak, Arraun eta Donostiarrarekin, 2 segundutan, eta Orio. Lehenengo txandan Hibaika, Hondarribia, Zumaia eta Kaiku, parekatua ere izan daitekeen neurketa batean.

[muxarra]

Aupa Bikingak eutsi ! Aupa HONDDARBI !!

[xaguzar]

Eup!

Ni, jakina, Telmo Deun-ekin nihoa, baiña irabazlea edozein izanda ere zorionduko det. Ta irabazten ez duten emakume guziei ere bai, aupa arraunlari hoiek!

[xaguzar]

Eup!

Kale zozketa,

1-Zumaia
2-Kaiku
3-Hibaika
4-Hondarribi


1-Arraun
2-Orio
3-Donostiarra
4-Tolosaldea

[xaguzar]

Eup!

8-Zumaia. 5'25___11'02
7-Kaiku. 5'23___10'59
6-Hibaika. 5'26___10'58
5-Hondarribi. 5'23___10'55


1-Arraun Lagunak 5'05__10'23
3-Orio. 5'11___10'36
2-Donostiarra 5'10__10'30
4-Tolosaldea. 5'17__10'44

Arraun Lagunak Kontxako banderaren garaile dugu. Zorionak donostiarrei!

[xaguzar]

Eup!

Bi jardunaldien denborak batuz gero, honelaxe geratu da sailkapena:

1. Arraun lagunak__21'01"14
2. Donostiarra__21'10
3. Orio__21'19
4. Tolosaldea__21'22
5. Hondarribia__21'54
6. Hibaika__21'55
7. Zumaia__22'07
8. Kaiku__22'15

Denbora ikarragarria ein du Arraunek eta marka berri bat ezarri du. Hasieran burua hartzea kostatu zaio pixka bat, baina uhartea pasata metrok egin ahala lehenengo errekuperatzen joan da tarte txikia. Bueltako luzean jakin izan du kudeatzen balizetan lortutako abantaila eta erakutsi aurtengo nagusitasuna. Atzetik, Donostiarra eta Orio saiatu dira, eta bigarren postua Donostian ere geratu da. Hasietatik, lehenengo paladetatik, atzerago, Tolosaldeko neskak, gaur 4. kaletik, inork nahi etzuena, 21 segundura sartu dia.

Lehenego txandan norgehiagoka estuagoa izandu da baina Hondarribia mendean hartu ditu bertze hirurak. Hibaikari asko kostata, baina 2. postuan sartu dira eta segundu bat beranduago Kaiku. Telmo Deun ontziak, azkena gaur, bizkaitarrek baiño 3 segundu gehiago behar izandu dituzte.

Emozio gutxiago gaurkoan aurreko igandekoarekin erkaturik. Itsasoa eta haizea ez dira aitzaki izan. Eta garaile bat, Donostiako Arraun Lagunak, duela bi urte bezala, baiña honako honetan euren jendearekin ospatu ahal izandu dute. Bejondeiela!

[Calcu]

Noizko Arrauni, Donostiarraren trataera berdina Donostiako Udalaren partetik?

[xaguzar]

Eup!

Noizko Arrauni, Donostiarraren trataera berdina Donostiako Udalaren partetik?

Arraun Lagunak-eko presidenteak berak aldarrikapen hori egin du denboaldi hontanbehin baiño gehiagotan. Ez dakit zer dagoen bereizketa horren gibelean; pentsatzet zerbait egonen zala Donostiarra-ren sorreran. Baiña ene uste apalean, ez baitakit, Udalak eta CATek Donostiako alkarte guztiei trataera berdina eman beharko lieke, gauza guztietan, lehia guztietan.